ЈП „Куманово план“ – Куманово е основано од Совет на Општина Кумановo, додека Општина Куманово претставува единица на локалната самоуправа, во која граѓаните го остваруваат правото на локална самоуправа непосредно и преку претставници на органите на општината, во согласност со Уставот, Законот за локална самоуправа, другите закони и Статутот на општината. Подрачјето на општината е утврдено со закон и го сочинуваат 68 населени места, од кои 16 се урбани заедници а 52 се месни заедници. Општината ги врши надлежностите во следните области: урбанизмот (урбанистичките планови и изградбата на објекти); заштитата на животната средина (екологијата); локалниот економски развој (водење на економска политика со која ќе се поттикне развојот на локалната заедница, ќе се поттикне развојот на малите и средните претпријатија на подрачјето на општината); комуналните дејности (водоснабдување, јавна чистота, изградба на улиците, одржување на зеленилото). 

Поделбата на ресорите е направена врз основа на организацијата на работата во областа на општите административни работи и специјализираните административни работи како и давањето на јавни услуги:
– Одделение за урбанистичко планирање и проектирање
– Одделение за проектирање и надзор
– Одделение за општо,правни работи и човечки ресурси и јавни набавки